کونلوم اول مخمور گوزلردن دگول آزار سيز

کيم گوروپدور بوخراب اولموش ايوي بيمار سيز

ال به ال گلزاردن خورشيد دامانين دوتار

اوزگوزين هرکيم که شبنم تک قيلور زنگار سيز

چکمدي بلبل نفس تا گيتدي گل گلزاردن

هيچ کافر قالماسون يارب جهاندا يار سيز!

خاکسار ليخ پيشه قيل، تا فيض حق يتسون سنه

کولگه سالماز مهر تابان باشلارا ديوار سيز

کفر سيز گر ممکن اولسيدي نظام آب و گل

باش دوتاردي سبحه نين جمعيتي زنار سيز

درد و داغ عشق ايلن صائب اولور انسان ملک

کامل اولماز سيم و زر مغشوش اولاندا نار سيز